Hello！
好開心又可以係呢度見到大家！唔知各位同學開學過得點呢？我地CCF係3月10號舉辦左歡迎晚會，即刻去睇下當晚既情況啦！
死啦咁大雨，小編好擔心會冇人黎架.....不過好感恩！因為都依然有咁多人出席，好感動啊！
晚會既第一個活動，咁就梗係要敬拜我地既天父啦係咪先～咦！？領唱哥哥好靚仔啊XD 而且首個歌「遇見神」好有意思，小編都有唔少既得著！
之後我地有請2017年CCF既會長為大家簡單介紹一下我地CCF啦～
開餐喇！！
然後當然有我地教會既鄭牧師為食物祈禱：感謝天父，賜我飲食......（下刪100字XD）好多謝教會既一般弟兄姐妹既奉獻，我地今晚先有豐富既食物*v*
遊戲時間正式開始！遊戲既MC既生動，又有趣，正！
(Try not to laugh challenge) 參賽者個個都好厲害！小編頭個兩題已經笑左出黎 lol
之後出既題目，每一組都施展渾身解數，慕求要贏！贏！贏！
到最後，輸左個兩組梗係要接受懲罰啦XD 最意想不到既係，committee 竟然有特別懲罰！
有跳茶舞，更加有會長大人跳韓舞lol 小編笑爆嘴了XD
就係咁，我地2017年CCF既迎新晚會就黎到呢度喇~希望大家玩得開心之餘，亦都有機會去認識我地呢位創天造地既上帝：）
